5.5.         Dynamisk ark som nettside

I Fil-menyen, Eksporter finn du valet Dynamisk ark som nettside (html).

 

Øvst i dette vindauget for eksportering, kan du skrive inn tittel, forfattar og dato for det dynamiske arket.

 

I arkfana Generelt, kan du legge til litt tekst over og under den dynamiske konstruksjonen (som ei skildring av konstruksjonen og nokre oppgåver). Sjølve konstruksjonen kan setjast rett inn i ei nettside, eller kan opnast ved å klikke på ein knapp.

 

I arkfana Avansert kan du endre funksjonaliteten til den dynamiske konstruksjonen (som å klikke på eit ikon for å nullstille konstruksjonen eller opne ein applikasjon ved å dobbeltklikke på teikneflata). Du kan òg endre grensesnittet (som å skjule verktøylinja og å endre på breidde og høgde på den dynamiske konstruksjonen).

Obs: Du må ikkje bruke for store verdiar for breidde og høgde på konstruksjonen. Desse må veljast slik at heile konstruksjonen blir vist i nettlesaren.

 

Det er mange filer som blir eksporterte når du eksporterer eit dynamisk ark.

·        Html-fil (eks. sirkel.html) Denne fila inneheld òg sjølve det dynamiske arket.

·        GGB-fil (eks. sirkel_worksheet.ggb) Denne fila inneheld GeoGebra-konstruksjonen din.

·        geogebra.jar (mange filer) Desse filene inneheld GeoGebra og gjer konstruksjonen din interaktiv.

 

Alle filer (for eksempel sirkel.html, sirkel_worksheet.ggb og geogebra.jar filene) må vere i den same mappa for at den dynamiske konstruksjonen skal fungere. Du kan sjølvsagt kopiere alle desse filene til ei anna mappe òg.

 

Obs: Den eksporterte HTML fila (eks. sirkel.html) kan visast i alle nettlesarar (som Mozilla, Internet Explorer, Safari). For at den dynamiske konstruksjonen skal fungere, må Java vere installert på datamaskina. Du kan laste ned Java gratis frå http://www.java.com. Dersom du vil bruke det dynamiske arket på ei datamaskin på skulen, må du få den nettverksansvarlege til å installere Java på serveren.

 

Obs: Du kan redigere teksten på det dynamiske arket med teksthandsamingsverktøy (som FrontPage, Word) ved å opne den eksporterte HTML-fila.

 


Tilsvarende emne

5. Utskrift og Eksporter


www.geogebra.org